குரு பெயர்ச்சி 2026: 02 ஜூன் 2026 (செவ்வாய்க்கிழமை) அன்று குரு பகவான் மிதுன ராசியிலிருந்து கடக ராசிக்கு பெயர்ச்சி ஆகிறார்.
சிம்ம ராசிக்கு குரு பகவான் 12-ம் வீடான கடகத்தில் உச்சம் பெற்று அமர்வது, விரய ஸ்தான அமைப்பாக இருந்தாலும், சுபசெலவுகள், ஆன்மீக முன்னேற்றம் மற்றும் வெளிநாட்டு யோகத்தை வாரி வழங்கும்.
12-ம் இட பலன்கள் (விரய ஸ்தானம்)
சுப விரயங்கள்
பண வரவு இருந்தாலும், சுபகாரியங்களுக்காக (திருமணம், வீடு வாங்குதல், வளைகாப்பு) செலவுகள் அதிகமாகும்.
ஆன்மீகம் மற்றும் வெளிநாடு
ஆன்மீகப் பயணம், வெளிநாடு செல்லும் வாய்ப்பு, மற்றும் வெளிநாட்டுத் தொடர்பு மூலம் வருமானம் கிடைக்கலாம்.
குருவின் பார்வை பலன்கள் (சிம்ம லக்னத்திற்கு)
5-ஆம் பார்வை (4-ம் வீடு - சுக, வாகன ஸ்தானம்)
புதிய வாகனம் அல்லது வீடு வாங்கும் யோகம், தாயாரின் ஆரோக்கியத்தில் முன்னேற்றம், மன அமைதி கிடைக்கும்.
7-ஆம் பார்வை (6-ம் வீடு - ருண, ரோக, சத்ரு ஸ்தானம்)
ஆரோக்கியத்தில் முன்னேற்றம், கடன் சுமை குறையும், எதிரிகள் தொல்லை அகலும்.
9-ஆம் பார்வை (8-ம் வீடு - ஆயுள், மறைவு ஸ்தானம்)
மறைமுக உதவிகள் கிடைக்கும், திடீர் தன லாபம், பூர்வீக சொத்து தொடர்பான பிரச்சனைகள் சாதகமாக முடியும், ஆயுள் விருத்தி.
குறிப்பு:
நவகிரக ஸ்தலங்களில் குரு பகவானுக்குரிய கோவிலான ஆலங்குடி கோவில் குரு பகவானை தரிசனம் செய்வது விசேஷம். கொண்டைக்கடலை சுண்டல் நிவேதனம் செய்து, மஞ்சள் நிற வஸ்திரம் சாற்றி வழிபடுங்கள்.
சுபகாரியங்களைத் தொடங்க உகந்த நேரத்தைத் தேர்வு செய்ய நமது இன்றைய நல்ல நேரம் அல்லது இன்றைய ஹோரை பக்கத்தைப் பாருங்கள்.